Osho- Jo vyakti pratyek pal aise jeeta hay ki dusre pal jeevan ka ant sambhav hay, vahi jeevan ke paripurna AANAND ko, jeevan ke AMRUT ko uplabdh ho pata hay.                                                                                                                                                        
Osho- Eak-eak
pal aise jiyo,
is bhanti jiyo ki yah pal, yah ghadi antim hay. Kaun jane, kab mrutyu dwar par dastak degi.                                                                                                                                                                                              
Osho - Kisi ne gaali di aur tum prabhavit ho gaye, to samaz lena ki chor bhitar ghus gaya. Ab yah chor tumhe nuksan pahunchayega. Yah bade maze ki baat hay; gaali dene wala tumhe koi nuksan nahin pahuncha sakta tha. Uska koi samarthya nahin tha.
               Chor bahar tha. Kya karega? Lekin gaali se pareshan hokar tumne chor ko tumhare ghar ke bhitar bula liya. Tum krodhit ho gaye. Gaali denewala tumhara shatru nahin hay, kyonki uski gaali bahar padi rah jati, agar tum krodhit na hote. Tum prabhavit na hote to uski gali tumhare andar kaise pravesh karti?
               Kisi ne tumhara sanman kiya. Aur tum akkad gaye. Sanman main koi khatra nahin hay. Lekin tum akkad gaye, ahankar aa gaya. Aur chor tumhare bhitar ghus gaya.
              Dhyan rakna, koi gaali de, ya koi tumhari prashansha kare tab HOSH ka diya jalaye rakhna. Aur chor ko tumhare andar gusne mat dena.